ތަޞައްވުރު / މަޤްޞަދު
ތަޞައްވުރު ހއ. އަތޮޅުގައި ހަރަކާތްތެރިވާ ފާހަގަކޮށްލެވޭފަދަ، ނަމޫނާ ޖަމްޢިއްޔާއަކަށް ވުން.
މިޝަން އުތީމުގެ މުޖުތަމަޢުގެ އެއްބައިވަންތަކަމާއި ޞުލްޙަ މަސަލަސްކަން ޤާއިމުކޮށް، ތިމާވެށި ޙިމާޔަތްކުރުމަށާއި، ޒުވާނުންނަށް ފުރުޞަތުތައް ފަހިކޮށްދިނުމަށް ޓަކައި ހިލޭސާބަހަށް މުޖުތަމަޢަށް ޚިދުމަތްކުރުން.
މައިގަނޑު މަޤްޞަދުތައް
މުޖުތަމަޢުގެ ބަދަހިކަމާއި ޞުލްޙަ މަސަލަސްކަން ދެމެހެއްޓުން.
ޒުވާނުންނަށް އަމާޒުކޮށްގެން މުނިފޫހިފިލުވުމާއި ހުނަރު އިތުރުކުރުމުގެ ހަރަކާތްތައް ރޭވުން.
ރަށުގެ ޤުދުރަތީ ވެށި ޙިމާޔަތްކޮށް، ރައްކާތެރިކުރުން.
ރަށު ތެރެ ސާފުތާހިރުކުރުމާއި ޢާންމު ޚިދުމަތްތަކުގެ ތެރެއިން މުޖުތަމަޢަށް ފައިދާހުރި މަސައްކަތްތައް ކުރުން.
ޖަމްޢިއްޔާގެ ފަސްމަންޒަރާއި މެންބަރުން
އުތީމު ޔުނައިޓެޑް ރަޖިސްޓްރީ ކުރެވުނީ 2013 ވަނަ އަހަރު، 109 މެންބަރުންނާ އެކުގައެވެ.
ޖަމްޢިއްޔާ ހިންގުމުގައި މައިގަނޑު ގޮތެއްގައި ބިނާވެފައިވަނީ ވަގުތާއި ޤާބިލުކަން ހަދިޔާކުރާ އިޚްލާޞްތެރި ވޮލަންޓިއަރުންގެ މައްޗަށެވެ.
މެންބަރުކަން އުތީމުގެ ރައްޔިތުންނަށް ހުޅުވާލެވިފައިވީ ނަމަވެސް، ޖަމްޢިއްޔާގެ އޮނިގަނޑަށް އައި ބަދަލުތަކާއި ރަށުގައި އިތުރު ކްލަބް ޖަމްޢިއްޔާތައް އުފެދުމާ ގުޅިގެން މިހާރު މެންބަރުންގެ ޢަދަދު ވަނީ ވަކި ހަމައެއްގައި ހިފެހެއްޓިފައެވެ.